ЯҢАЛЫКЛАР

17 майдан 23 майга кадәр Лениногорск шәһәрендә «Татнефть» ГАҖ, шәһәр администрациясе һәм «Лениногорск шәһәре Теннис федерациясе» фонды ярдәме белән «Теннис Холл» спорт корылмасы кортларында «Бөек Ватан сугышында Җиңү көненә» багышланган теннис буенча Татарстан Республикасы турниры узды. Ярышларда Россиянең төрле шәһәрләреннән: Санкт-Петербург, Казан, Уфа, Нефтекамск, Ижевск, Яр Чаллы, Әлмәт, Лениногорск шәһәрләреннән 40тан артык спортчы катнашты.

Лениногорскида Дәүләт Советының Бюджет, салымнар һәм финанс комитетының һәм Дәүләт корылышы һәм җирле үзидарә комитетының күчмә уртак утырышы узды

26 нчы май көнне Лениногорск районы башлыгы Рәгать Хөсәенов шәһәр Башкарма комитеты җитәкчесе Риваль Сытдиков, район Башкарма комитеты җитәкчесенең инфраструктура үсеше буенча урынбасары Алексей Корноухов белән берлектә «Безнең ишегалды» программасы буенча төзекләндерелүче  ишегалларында булды. Чарада, шулай ук, подрядчы оешма һәм җаваплы хезмәт вәкилләре катнашты. Эшлекле сәфәрдә катнашучылар Ленинград урамындагы «Безнең ишегалды» республика программасы буенча эшләрнең барышы белән таныштылар. Бүгенге көндә 10 ишек алдында төзекләндерү эшләре бара. 

«Демография» илкүләм проектын тормышка ашыру кысаларында Лениногорск районы «Исток - Башлангыч» халыкны социаль тәэмин итү комплекслы үзәгенең гаиләгә һәм балаларга социаль ярдәм бүлекчәсе белгечләре шәһәр һәм район халкы белән мәгълүмати очрашулар оештырдылар. Ел башыннан бирле очрашуларда катнашучыларның гомуми саны 100 дән артык кеше тәшкил итте.

«Гринта» каты көнкүреш калдыклары белән эш итү буенча региональ оператор 5-10 яшьлек балалар өчен калдыклар белән эш итү темасына уку әсбабы чыгарды. Басма Россия Табигать министрлыгы ярдәме белән «РФдә калдыклар белән климатик нейтраль эш итү» Россия-Германия проектын тормышка ашыру кысаларында Татарстан Республикасы балалар бакчаларында һәм мәктәпләрендә дәресләр үткәрү өчен нигез булачак.

«Татарстан Республикасында (Татарстан) гигиена һәм эпидемиология үзәге» федераль бюджет сәламәтлек саклау учреждениесе белгечләре Әлмәт, Зәй, Лениногорск районнарында 2021 елның 31 маеннан 11 июненә кадәр балалар ялы хезмәтләренең сыйфаты һәм куркынычсызлыгы мәсьәләләре буенча «кайнар линия» оештырачак.

26 май көнне «Юбилейный» паркы территориясендә яшьләр үзәге Туган телләр һәм халык бердәмлеге елына багышланган «Без төрле, әмма без бергә» дигән квест үткәрде.

Бүген мэриянең утырышлар залында Лениногорск районы башлыгы Рәгать Хөсәенов авыл җирлекләре башлыклары һәм хуҗалык җитәкчеләре белән агымдагы мәсьәләләр буенча оештыру киңәшмәсе үткәрде.

22 майда Лениногорск районы һәм Лениногорск шәһәре пенсионерлары арасында «Өченче яшь» ярышларының беренче этабы узды.

26 нчы май көнне «Гарденотерапия» технологиясе буенча чаралар планын тормышка ашыру кысаларында, Лениногорск районы «Исток-Башлангыч» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлекчәсе белгечләре һәм социаль хезмәткәрләре «Бүлмә үсемлекләре белән эшләү»дигән темага дәрес үткәрделәр. Шөгыльнең максаты: хезмәт күнекмәләрен камилләштерү, хәвефне киметү, эмоциональ кәефне яхшырту һәм тормыш тонусын күтәрү иде.