ЯҢАЛЫКЛАР
16 мартта Лениногорск районы "Исток-Башлангыч" халыкны социаль тәэмин итү комплекслы үзәгенең социаль педагогы Светлана Мосолова 14 нче мәктәп базасында " Ышаныч телефоны безгә кирәк!» дигщн темага балигъ булмаган социаль хезмәт алучылар цчен чара уздырды.
Лениногорск мэриясенең утырышлар залында Педагог һәм остаз елын ачу тантанасы булды. Ачылыш тантанасында «Лениногорск муниципаль районы» муниципаль берәмлеге башкарма комитеты җитәкчесе урынбасары Владимир Друк, «Россия Ел тәрбиячесе - 2021» Бөтенроссия конкурсы лауреаты һәм «Ел тәрбиячесе – 2021» республика конкурсы абсолют җиңүчесе Виктория Цыганова, Гомумроссия мәгариф профсоюзы территориаль оешмасы рәисе Марина Сосункевич, мәгариф оешмалары җитәкчеләре һәм педагоглары катнашты.
Туган авылы Туктар-Урдалы һәм районыбызның хөрмәтле кешесе Мөслимә апа Гарифулинага 15 февральдә 90 яшь тулды.
14 февральдә «Әлмәт» иҗтимагый үзәгендә " Ел хатын-кызы. Ел ир-аты: хатын-кыз карашы" республика конкурсының зона этабы узды. Анда Әлмәт, Зәй, Бөгелмә, Лениногорск, Мөслим, Сарман, Азнакай, Ютазы, Баулы һәм Яр Чаллы шәһәрләреннән 40 катнашучы көч сынашты.
Лениногорскида 26 февральдә " Юбилейный " паркында май чабу бәйрәме узачак.
Программада: театральләштерелгән тамаша, концерт программасы, бәйрәм сәүдәсе, уен мәйданчыклары, төрле уеннар, әйлән-бәйлән, карачкы яндыру һәм башкалар.
Башлана-11.00 сәгатьтә.
Сезне көтеп калабыз!
10 февральдә Лениногорск районы "Исток-Башлангыч" халыкны социаль тәэмин итү комплекслы үзәгенең өйдә социаль хезмәт күрсәтү бүлеге белгече «Өлкән яшьтәге гражданнар һәм инвалидлар өчен фин йөреше» социаль технологиясен гамәлгә ашыру кысаларында укулар уздырды. Шөгыльнең максаты-өлкән яшьтәге гражданнарны һәм инвалидларны саф һавада таяклар белән йөрергә өйрәтү аша социаль-сәламәтләндерү реабилитациясе.
Бүген Ватаннан читтә хезмәт бурычын үтәгән россиялеләрне искә алу көненә багышланган митинг узды.
Сугышчы-интернационалистларга куелган һәйкәл янында Әфган сугышы һәм башка кораллы конфликт ветераннары, һәлак булган сугышчыларның туганнары, ветераннар һәм яшьләр оешмалары вәкилләре җыелды.
8-11 февраль көннәрендә Лениногорск муниципаль районы укучылары әдәбият буенча Бөтенроссия мәктәп укучылары олимпиадасының төбәк этабында катнаштылар.
15 февральдә татар шагыйре Муса Җәлил туган көнендә татар телендә белем һәм тәрбия бирүче төркем тәрбиячеләре өчен «Мәктәпкәчә белем бирү учреждениесендә татар теле белән укыту эшчәнлеге моделен булдыру» муниципаль база мәйданчыгы утырышы узды. Әлеге утырыш әһәмиятле бәйрәм - Халыкара туган тел көненә багышланган иде.
ТР Гидрометеорология үзәге мәгълүматлары буенча, 16 февральдә болытлы, төнлә һәм иртән аязучан болытлы булачак. бераз кар яву көтелә.