Лениногорскида сугышчы-интернационалистлар истәлегенә митинг узды
Бүген Ватаннан читтә хезмәт бурычын үтәгән россиялеләрне искә алу көненә багышланган митинг узды.
Сугышчы-интернационалистларга куелган һәйкәл янында Әфган сугышы һәм башка кораллы конфликт ветераннары, һәлак булган сугышчыларның туганнары, ветераннар һәм яшьләр оешмалары вәкилләре җыелды.
Митингта Лениногорск районы Башлыгы Рәгать Хөсәенов, башлык киңәшчесе Петр Гринь, Лениногорск районы башлыгы урынбасары Сергей Тимаков, Лениногорск районы Башкарма комитеты җитәкчесе урынбасары Владимир Друк, Әфганстанда хәрби хәрәкәтләрдә катнашучы, «запас офицерлары» иҗтимагый оешмасы рәисе, запастагы подполковник Владимир Золотухин, Әфганстанда хәрби хәрәкәтләрдә катнашучы «Юнармия» иҗтимагый хәрәкәте штабы начальнигы, отставкадагы подполковник Илья Мишин, Әфганстан ветераннары берлегенең Россия региональ бүлекчәсенең Лениногорск бүлеге рәисе Рамил Даутов ёщм башкалар катнашты.
"34 ел элек Әфганстаннан совет гаскәрләрен чыгару төгәлләнә. Бүген без һәлак булганнарны һәм үз бурычларын үтәгәндә батырларча көрәшкәннәрне искә алдык. Әфганстанда без 10 якташыбызны югалттык. Бу көннәрдә хәрби хезмәткәрләрнең яңа буыны Ватанны батырларча яклый һәм гражданнарның иминлеген тәэмин итә. Махсус хәрби операция безне берләштерде. Әфган сугышы һәм җирле конфликт ветераннары бу эштә актив катнашалар. Россиянең барлык сынауларны да җиңеп чыгачагына ышанам!",- дип чыгыш ясады район Башлыгы Рәгать Хөсәенов.
Әфган сугышында Татарстаннан 11,5 меңнән артык кеше катнашкан, Лениногорск районыннан сугышка 260 ир егет киткән, аларның 10сы чит җирләрдә һәлак булган.
Митингта катнашучылар бер минут тынлык белән һәлак булганнарны искә алдылар һәм һәйкәлгә чәчәкләр һәм веноклар салдылар.