ЯҢАЛЫКЛАР
Көз – ул илһам, ачык төсләр һәм иҗат өчен бай табигый материал чоры. Нәкъ менә шул чорда эшләнмәләр ясау аеруча күңелле. Шуңа күрә дә көзен гадәт буенча ТР Биоресурслар буенча дәүләт комитеты «Мин һәм Кызыл китап» («Я и Красная книга») исеме астында балалар эшләнмәләре бәйгесе игълан итә. Бәйгедә республиканың мәктәпкәчә яшьтәге балалары һәм белем бирү учреждениеләре укучылары, сәламәтлек мөмкинлекләре чикләнгән балалар катнаша ала.
Лениногорск мэриясенең утырышлар залында «Лениногорск муниципаль районы» муниципаль берәмлеге Башкарма комитеты җитәкчесенең социаль мәсьәләләр буенча урынбасары Гөлнара Вагизова рәислегендә «Россия Федерациясендә пробация турында»Федераль закон нигезләмәләрен гамәлгә ашыру мәсьәләләре буенча муниципаль ведомствоара комиссия утырышы узды.
Мәгълүмати-аңлату эшен уздыру кысаларында Роспотребнадзорның Татарстан Республикасы буенча идарәсенең Әлмәт территориаль бүлеге белгече ТР Дәүләт алкольголь инспециясенең Әлмәт территориаль органы белгече белән берлектә видеоконференция режимында «Лениногорск политехник көллияте»ДАҺБУ студентлары өчен финанс белеме буенча лекция-семинар уздырды.
Татарстан Республикасы буенча Социаль фонд бүлеге тарафыннан мәгариф өлкәсендә эшләүче 100 гә якын хезмәткәргә картлык буенча иминият пенсияләре вакытыннан алда билгеләнгән. Вакытыннан алда пенсиягә чыгу хокукына мәгариф учреждениеләрендә эшләп, 25 еллык (2025 елдан - 30) махсус стаж һәм тиешле санда пенсия коэффициентлары туплаган хезмәткәрләр ия.
Өлкәннәр көненә Россия Социаль фондының Татарстан Республикасы буенча бүлеге өлкән буын аралашу үзәкләренең эшенә йомгак ясый. «Өлкән буын» Федераль проекты кысаларында булдырылган әлеге уникаль мәйданчыклар актив һәм бай тормышның чын учагына әверелде.
Статистика буенча, җылыту сезоны башлану белән торак секторында янгыннар саны арта. Җылыту сезоны вакытында торак йортларда һәм фатирларда янгын чыгуның иң еш сәбәпләреннән берсе-җылыту системасының төзек булмавы, җылыту җиһазларының дөрес урнаштырылмавы, шулай ук мичләрнең дөрес файдаланылмавы.
2025 елның гыйнварыннан Татарстан халкы почта аша төрле сәүдә мәйданчыклары сатучыларына якынча 8 650 сатып алу кайтарган. Аларның гомуми авырлыгы җиде тоннадан артык.
Лениногорск районында «Гаилә» илкүләм проектының «Өлкән буын» федераль проекты чаралары авыл җирендә яшәүче 65 яшь һәм аннан өлкәнрәк гражданнарны медицина оешмасына диспансеризация үткәрү өчен китерү буенча «Исток - Башлангыч» халыкка социаль хезмәт күрсәтү комплекслы үзәге үзәк район хастаханәсе һәм медицина – санитария бүлеге белән берлектә гамәлгә ашырыла.
Бүген сишәмбе-гражданнарны шәхсән кабул итү көне. Район башлыгы Марат Нилевич Гирфановка урамнарны яктырту, тротуар төзү һәм район үзәк хастаханәсе эшенә кагылышлы сораулар белән ике кеше мөрәҗәгать итте. Ике мөрәҗәгать тә шәхси контрольгә алынды.
Луганск Халык Республикасының Северодонецк районы Золотое шәһәрендә Россия Герое, якташыбыз Дамир Исламовка багышланган мемориал һәм аллеяны ачу тантанасы булды.