Иске Иштирәк мәктәбенең "яшь урманчылары" экологик акция үткәрде

2024 елның 8 октябре, сишәмбе

Татарстан Республикасы Лениногорск районы Иске Иштирәк мәктәбенең «Яшь урманчылар» командасы«Экология» илкүләм проектының «Урманнарны саклау» федераль проекты кысаларында якындагы урманнарны чистарту буенча акция үткәрде.

Акция узган урман массивы Мөкмин-Каратай авылы чатында урнашкан.

Балалар пластик һәм пыяла шешәләрне, тимер банкаларны, полиэтилен пакетларны һәм ял итүчеләр алып килгән башка көнкүреш чүп-чарларын җыйдылар.  

- Экологик акциянең максаты урманны чүп - чардан чистарту гына түгел, Экологик культура тәрбияләү дә иде, бу шулай ук авылдашларның игътибарын экология һәм табигатькә сакчыл караш мәсьәләләренә юнәлтү, - ди биология укытучысы Рушания Котдусовна.

Аз гына вакыт эчендә акциядә катнашучылар зур эш башкардылар. Көнкүреш чүп-чарлары тутырылган капчыклар чүплеккә чыгарылды.