Лениногорскида Өлкәннәр көненә багышланган бәйрәм концерты булды
Бүген, Халыкара өлкәннәр көне уңаеннан, мәдәният сараенда бәйрәм концерты булды. Бәйрәм кунакларын район Башкарма комитеты җитәкчесе вазыйфаларын башкаручы Марат Гирфанов котлады.
Ул билгеләп үткәнчә, бүгенге көндә Лениногорск районында 26 меңгә якын пенсионер яши, шуларның 8 меңнән артыгы - өлкән яшьтәге гражданнар.
"Сезнең зирәклегегез, тормыш энергиясе, ихтыяр көче һәм профессионализм сокландыра. Чын күңелдән Сезгә нык сәламәтлек, күңел җылысы һәм кайгыртучанлык, иминлек һәм тынычлык телим", - диде ул.
Лениногорскилыларны шулай ук Татарстан Республикасы Цифрлы үсеш министры урынбасары Булат Габдрахманов котлады. Ул билгеләп үткәнчә, өлкән буын - ул тиңдәшсез батырлык, патриотизм һәм ныклык буыны. Тантаналы чара бүләкләү һәм концерт программасы белән дәвам итте, анда мәдәният сараеның иҗат коллективлары һәм солистлары катнашты.