Сәламәтлек өчен көрәштә яхшылык
Дөньяда коронавирус пандемиясе котыра. Авырудан дарулар табылмаган вакытта, табиблар, сәламәтлекләрен саклау өчен, гигиена кагыйдәләрен сакларга: кулларны сабын белән юарга, саклагыч битлекләр, перчаткалар киеп йөрергә киңәш итә.
Һәр даруханәдә битлек сатып алып булмый, кешеләр өчен дә бу өстәмә чыгымнар.
Мәгариф учреждениеләре хезмәткәрләре югалып калмадылар һәм өй шартларында саклык битлекләре ясау белән шөгыльләнә башладылар. Менә сезгә үзизоляция дә, файдалы эш тә.
Альбина Зарипова, Лениногорск шәһәренең 3 нче мәктәбенең технология һәм рәсем сәнгате укытучысы, «Исток-Башлангыч» халыкка социаль хезмәт күрсәтү комплекслы үзәге» социаль хезмәт күрсәтү учреждениесе белгечләренә һәм өлкән яшьтәге гражданнарга һәм инвалидларга социаль хезмәт күрсәтү белән шөгыльләнүче хезмәткәрләр өчен 50 саклык битлеге бирде,
Резидә Хәертдинова, Шөгер мәктәбе укытучысы, профком рәисе, битлекләр тегү буенча белешмәләр эшләп таратты һәм үзенең гаилә әгъзалары, күршеләре өчен 28 битлек текте.
Тимәш балалар бакчасы тәрбиячесе Наталья Тимошкина да читтә калмады, һәм шәхси яклау чаралары белән балалар бакчасы персоналын һәм аз керемле гаиләләрне үзләре җитештергән маскалар белән тәэмин итә башлады.
Надежда Микулова, 14 нче балалар бакчасы кастеляншасы, үз учреждениесендә эшләүчеләр һәм тәрбияләнүчеләр өчен 150 дән артык битлек җитештергән.
Ялгызлыкта яшәп, әби-бабайлар мөстәкыйль яшәргә күнеккәннәр. Һәм аларны үз-үзен изоляцияләү куркытмый, ләкин ашарга көн саен кирәк, ә кибеткә бару - сәламәтлек өчен куркыныч. Өлкән яшьтәге кешеләргә ярдәмгә Тимәш балалар бакчасы тәрбиячесе Аделя Юнысова килде. Ул үзенең өлкән күршеләренә азык-төлек, дарулар сатып алуда һәм китерүдә ярдәм итә. Алар аңа бик рәхмәтле.
Кеше берәр файдалы эш эшләгәндә, дөрес эш белән шөгыльләнүен сизә.
Безнең тормышыбызда һәрвакыт игелекле гамәл һәм ярдәм итү өчен урын бар. Бу бигрәк тә бүгенге көн өчен актуаль. Кешеләргә ярдәм итү өчен ниндидер билгеле бер яшьтәге кеше булу яки нинди дә булса биеклекләргә ирешү кирәкми. Бары тик безнең хезмәткәрләр кебек яхшы күңелле, ярдәмчел, шәфкатьле булырга кирәк.