Лениногорск кешесе сим-картасын ярты миллион сумга "озайткан"
1976 елгы ир-ат мошенниклар йогынтысына эләгә һәм Россия Эчке эшләр министрлыгының Лениногорск районы буенча бүлегенә мөрәҗәгать итә, анда ул ничек булганлыгы турында сөйли.
Гариза бирүчегә билгесез номердан шалтыратулары ачыкланган, кыз үзен кәрәзле элемтә белгече дип таныштырган һәм аның сим-карта килешүенең гамәлдә булу вакыты бетүен һәм элемтәне өзәргә мәҗбүр булуларын хәбәр иткән.
Баштан ул ирнең иске паспорты мәгълүматларын атый. Зыян күрүче аны төзәтергә кирәклеген әйтә һәм гамәлдәге паспорт мәгълүматларын таләп итә. Алга таба, мошенникларның җайга салынган схемасы буенча дәвам итә. Мессенджерга шалтырату килә, оператор ир-атның шәхси кабинетына мошенниклар керүе һәм кредитлар рәсмиләштерүгә ышаныч кәгазе, барлык счетлардан файдалануга боерык булуы турында хәбәр итте.
Шулай ук барлык банклар буенча кредитлар рәсмиләштерүгә заявкалар җибәрелгән, ә заявкаларны гамәлдән чыгару һәм куркынычсыз счетка акча җибәрү өчен банк вәкиле күрсәтмәләрен итәргә кирәк, диләр.
Мошенниклар күрсәтмәсе буенча ир-ат барлык гамәлләрне дә башкарган. Төрле счетларга 594 000 сум акча күчергән. Акча күчергәннән соң гына ир-ат мошенникларның хәйләләренә эләккәнен аңлаган һәм полициягә мөрәҗәгать иткән.
Әлеге факт буенча РФ Җинаять кодексының 159 маддәсе белән "Мошенниклык" өлеше белән каралган җинаять составы билгеләре буенча җинаять эше кузгатылган