КНИТУ-КАИның Лениногорск филиалы студентлары ГТО нормаларын үтәделәр
КНИТУ-КАИның Лениногорск филиалы спорт мәйданчыкларында «Демография» милли проектының «Спорт – тормыш нормасы» федераль проекты кысаларында «Хезмәткә һәм оборонага әзер» Бөтенроссия физкультура-спорт комплексы нормаларын тапшыру – әһәмиятле спорт чарасы узды, аның максаты актив яшәү рәвешен популярлаштыру һәм халыкның барлык яшь төркемнәрен даими рәвештә физик культура һәм спорт белән шөгыльләнүгә җәлеп итү.
ГТО нормативларын тапшыруда көндезге уку формасындагы студентлар катнашты. Студентлар ГТО комплексының VI-VIII баскычлары буенча 100 метрга йөгерү, 2000 һәм 3000 метрга йөгерү, биек аркылы тартылу, идәнгә таянып кулларны бөгү һәм җәю, басып торганнан алга авышу, электрон коралдан ату, аркада ятканнан гәүдәне күтәрү кебек сынау төрләре буенча нормативлар үтәделәр. Өч спорт объектында - стадионда һәм спорт уеннары залында узган ярышларның хөкемдарлыгын физик культура укытучысы Г.Д. Иванова башкарды.
Ярышлар бик яхшы оештыру дәрәҗәсендә, югары эмоциональ күтәрелештә, җанатарлар ярдәме белән яхшы шартларда узды. Егетләр дә, кызлар да сынауларны лаеклы үтиләр!