Лениногорск районы гаиләләренә 40 автомобиль тагылмасы тапшырылды

2024 елның 29 августы, пәнҗешәмбе

Лениногорск районында 10 меңгә якын гаиләнең шәхси хуҗалыклары бар, аларда 2000 башка якын эре мөгезле терлек асрала.

Шәхси ярдәмче хуҗалыкларга ярдәм кысаларында 2017-2023 елларда җирле бюджеттан 123 саву аппараты сатып алынган, аларның гомуми суммасы 3 млн сумнан артык.

Быел муниципаль район өч һәм аннан да күбрәк савым сыерлары тотучы хуҗалыкларга автомобиль тагылмалары бирү турында карар кабул итте.

29 августта тантаналы шартларда 2 млн 280 мең сумлык 40 автомобиль прицепы тапшырылды.