Россиядә 19 миллионнан артык укучы түгәрәкләргә һәм секцияләргә йөри
Уку елы башланыр алдыннан балалар өчен түгәрәк яки секция сайларга вакыт, чөнки мәктәп һәм өстәмә белем бирү безнең илдә бердәм система буларак төзелә һәм алар бергә гамәлгә ашырылганда гына нәтиҗәле.
Бүген «Мәгариф» милли проекты буенча 17,7 меңнән артык түләүсез үзәк һәм 1,5 миллионга якын яңа өстәмә белем бирү урыны булдырылган. Россиядә түгәрәкләргә һәм секцияләргә барлыгы 19 миллионнан артык укучы йөри.
Өстәмә белем бирүнең иң популяр юнәлешләре булып социаль-гуманитар юнәлештәге программалар кала: бу түгәрәкләр һәм секцияләр 7 миллионнан артык укучыны сайлап алган, ә 6 миллион бала сәнгать иҗаты белән актив шөгыльләнә.
«Мәгариф» илкүләм проекты буенча бөтен ил буйлап авыл җирлегендә һәм зур булмаган шәһәрләрдә уку йортлары базасында балаларга заманча технологияләр белән танышырга һәм үзләрен гадәти булмаган һөнәрләрдә сынап карарга ярдәм итүче «Точка роста» үзәкләре ачылуын дәвам итә. Бүген кече торак пунктларда яшәүче яшь кешеләр өчен 17 меңнән артык «Точка роста»үзәге булдырылган. Татарстанда проект инде алтынчы ел гамәлгә ашырыла.
Республикада 436 «Үсеш ноктасы» исәпләнә, быел авыл мәктәпләрендә тагын 72 үзәк ачылачак. Алар физика, химия һәм биология буенча белем бирүнең сыйфатын күтәрү өчен шартлар тудырачак. Заманча җиһазлар көндәлек дәресләр үткәрүне камилләштерергә һәм белем бирү сыйфатына йогынты ясарга мөмкинлек бирә.
Безнең районда Шөгер, Тимәш һәм Иске Иштирәк мәктәпләре базасында 3 «Үсеш ноктасы» санлы һәм гуманитар профильле үзәк һәм Зеленая Роща, Иске Куак, Куакбаш, Урман Асты һәм Иске Писмән мәктәпләре базасында 5 «Үсеш ноктасы» табигый-фәнни профильле үзәк эшли.
2024 елда Ивановка мәктәбе базасында «Точка роста» табигый-фәнни профильле тагын бер үзәк ачу планлаштырыла.
Федераль проектны гамәлгә ашыру кысаларында үзәкләр өчен бүлеп бирелгән биналарга ремонт ясалган, махсус җайланмалар урнаштырылган һәм уку һәм дәрестән тыш эшчәнлектә уңышлы кулланыла. Илдә «Кванториум»балалар технопарклары ачыла. Биредә 10 яшьтән алып 18 яшькә кадәрге балалар өчен 14 укыту юнәлеше (квантумнар) мөмкин. Заманча лазер технологияләре, нейротехнологияләр һәм ясалма интеллект, пилотсыз авиация, программалаштыру, 3d-модельләштерү – бу бөтен ил буйлап технопарклар балаларга тәкъдим иткән әйберләрнең бер өлеше генә. Бүген инде 365тән артык «Кванториум»балалар технопаркы эшли. 2024 ел ахырына "кванториумнар" саны 496 га җитәчәк. Татарстанда алты «Кванториум»балалар технопаркы эшли.
Мәктәп технопаркларында Гамәли физика, химия, биология, менталь арифметика түгәрәкләре эшли. Үзәкләр балалар һәм педагоглар өчен конкурсларны актив оештыралар, укучыларны, шул исәптән «Абилимпикс»ны да кертеп, һөнәри осталык чемпионатларына әзерлиләр. Республикада өч «IT-куб» балаларга цифрлы белем бирү үзәге булдырылды («халыкара компетенцияләр үзәге - Казан мәгълүмати технологияләр һәм элемтә техникумы» ДАҺБУ, «Әлмәт политехник техникумы» ДАҺБУ һәм «Алабуга»сәнәгать-җитештерү тибындагы махсус икътисадый зона базасында). Үзәкләр техник юнәлештәге өстәмә белем бирү программалары буенча эшлиләр, заманча цифрлы технологияләр һәм информатика буенча чаралар үткәрәләр, укучыларны ясалма интеллект технологияләре белән таныштыралар.