Лениногорскта Россия Эчке эшләр министрлыгының Лениногорск районы буенча яңа башлыгы билгеләнде

2024 елның 26 августы, дүшәмбе

23 августта Татарстан Республикасы буенча Эчке эшләр министры урынбасары полиция генерал-майоры Алексей Завгороднев Россия Эчке эшләр министрлыгының Лениногорск районы буенча бүлегенең шәхси составына яңа начальникны тәкъдим итте.

Чарада шулай ук Россия Эчке эшләр министрлыгының Түбән Кама районы буенча идарәсе башлыгы, полиция полковнигы Руслан Бәдретдинов та катнашты.

Россия Эчке эшләр министрлыгы Лениногорск районы буенча бүлегенә полиция подполковнигы Сибгатуллин Ришат Минҗәүдәт улы билгеләнде. Сибгатуллин Ришат Минҗәүдәт улы эчке эшләр органнарында хезмәтен 2001 елда башлый. Ул - тәҗрибәле оперативник һәм зур эш тәҗрибәсе бар. 2020 елдан 2024 елның августына кадәр Россия Эчке эшләр министрлыгының Лениногорск районы буенча бүлеге башлыгы урынбасары вазыйфасын башкарган.

Россия Эчке эшләр министрлыгының өч дәрәҗәдәге "Хезмәттәге отличие өчен" медале белән бүләкләнгән. Ришат Сибгатуллинга бу авыр хезмәтендә уңышлар телибез.