Туганнарыгыз һәм якыннарыгызны мошенниклык гамәлләре турында кисәтеп куегыз!
Көн саен Россия Эчке эшләр министрлыгының Лениногорск районы буенча дежур бүлегенә җирле халыктан мөрәҗәгатьләр килә, алар бердәм дәүләт хезмәтләре порталында шәхси кабинетларын ватулары турында хәбәр итә. Мөрәҗәгать итүчеләр сүзләренчә, кәрәзле элемтә операторы исеменнән шартнамәне озайту кирәклеге турында хәбәр килә.
Моның өчен шалтыратучы абонентка смс-хәбәрдә җибәрелгән кодны атауны сораячак. Шуннан соң мәгълүмат тапшыралар, шәхси кабинетка керү мөмкинлеге ябыла. Ни өчен җинаятьчеләр дәүләт хезмәтләре порталында сезнең шәхси кабинетка керергә тели?
Җинаятьчеләрнең максаты -кеше турында конфиденциаль мәгълүмат алу. Аңа кредит тарихы, банкта счет күләме, бурыч күләме, шулай ук башка финанс мәгълүмат керә. Киләчәктә бу мәгълүматлар башка мошенниклык схемаларында да кулланылырга мөмкин.
Шулай ук җинаятьчеләр сезнең турында дәүләт хезмәтләрендә булган барлык мәгълүматка да керә ала - яшәү адресы, СНИЛС номеры, паспорт һәм башкалар. Электрон имзага керү мөмкинлеге алырга мөмкиннәр, шул рәвешле зыян күрүче күп кенә гамәлләр башкарырга мөмкинлек алалар, мәсәлән, күчемсез милек белән килешүләр гамәлгә ашырырга, юридик затны теркәргә. Шәхси дәүләт хезмәтләре кабинетына керү мөмкинлеге алгач, мошенниклар сезнең исемгә кредит яки микрозайм рәсмиләштерергә мөмкинлек ала.
Саклануның иң гади һәм иң кулай ысулы-беркемгә дә телефон аша бернинди мәгълүматны: карта номерларын, кодларны, код сүзләрен һәм парольләрне хәбәр итмәү.
Гражданнарны чираттагы тапкыр уяу булырга һәм шәхси мәгълүматларны телефоннан хәбәр итмәскә кирәклеге турында кисәтәбез! Туганнарыгызны һәм якыннарыгызны, бигрәк тә олы яшьтәгеләрне кисәтегез.