Лениногорск социаль хезмәт күрсәтү үзәгендә Социаль хезмәткәр мәктәбе эшен дәвам итә
«Социаль хезмәткәр мәктәбе» технологиясе Лениногорск районының «Исток-Башлангыч» комплекслы социаль хезмәт күрсәтү үзәгендә, социаль хезмәткәрләрне хезмәт эшчәнлегеннән аерылмыйча һөнәри укыту максатында өйдә социаль хезмәт күрсәтү бүлеге тарафыннан эшләнгән һәм гамәлгә ашырыла.
Бу технологиядә төрле юнәлештәге блоклар бар: хокукый, медицина, психологик. Ул клиентларга югары сыйфатлы хезмәтләр күрсәтү буенча нәтиҗәле эшчәнлек алып бару өчен хезмәткәрләрнең квалификациясен даими күтәрүгә юнәлдерелгән.
2019 елдан социаль хезмәткәрләрне озак вакытлы карау системасы буенча укыту алып барыла. Карау мәктәбе укытучысы Альбина Хәбирова социаль хезмәткәрләрне карау процессының төп принциплары, бурычлары, состав компонентлары һәм аз хәрәкәтләнүчеләрне куркынычсыз күчерү нигезләре белән таныштыра. Уку нәтиҗәсендә социаль хезмәткәрләр аз хәрәкәтләнүче социаль хезмәтләр алучылар белән эшләгәндә белем һәм күнекмәләр ала.