Лениногорскида 66 нчы җиңел атлетика эстафетасы узды

2023 елның 1 мае, дүшәмбе

Бүген Лениногорскның Үзәк мәйданында Лениногорск муниципаль районы Башлыгы призына 66 нчы җиңел атлетика эстафетасы узды. Эстафета 1 майда Яз һәм хезмәт бәйрәмендә үткәрелә.

Чара эстафетада катнашучыларның тезелүе белән башланды. Районы Башлыгы Рәгать Хөсәенов барлык катнашучыларны сәламләде һәм аларның ярышларда җиңүләрен теләде.

Аннары спорт эшчәнлегендәге казанышлары өчен лениногорскилыларны бүләкләү булды.

Беренче Май эстафетасында шәһәр һәм районның уку йортлары һәм предприятиеләре командалары катнашты.

Җанатарлар, хезмәттәшләр, дуслар, туганнар ярдәме белән алар үз дистанцияләрен лаеклы үттеләр.

Җиңүчеләр һәм призерлар кубоклар, медальләр, Мактау грамоталары, кыйммәтле бүләкләр белән бүләкләнделәр.