Салым һәм салым булмаган түләүләр буенча бурычларны киметү буенча чараларны гамәлгә ашыру буенча ведомствоара комиссия утырышы

2020 елның 16 октябре, җомга

Бүген хакимият бинасында ТР берләштерелгән бюджетына салым һәм салым булмаган түләүләр буенча бурычларны киметү буенча чараларны тормышка ашыру буенча Ведомствоара комиссиянең чираттагы утырышы узды.

Утырышта Россия Эчке эшләр министрлыгының Лениногорск районы буенча бүлеге начальнигы урынбасары Роберт Сираҗетдинов, салым вәкилләре, икътисад бүлеге белгече катнашты.

Комиссиядә салым бурычлары булган шәхси эшмәкәрләр, предприятие һәм оешма җитәкчеләре, физик затлар тыңланды. Гөлназ Иванова билгеләп үткәнчә,район бюджетын формалаштыруның төп чыганакларыннан берсе-физик затлар кеременә салым, салым керемнәре белән беррәттән, салым булмаган керемнәр дә.