Лениногорскида барлык уку йортларында, мәдәният учреждениеләрендә, авыл җирлекләрендә һәм китапханәләрдә татар телендә белемнәрне тикшерү буенча диктант яздылар.
«Татарча диктант» Бөтендөнья белем бирү акциясенә муниципаль районның иҗтимагый оешмалары да кушылды. «Ак калфак» татар хатын-кызлары оешмасы әгъзалары өчен мәдәният сараенда мәйданчык оештырылган иде, анда шәһәр башлыгы урынбасары Гөлфирә Рафикова да катнашты.