Лениногорскилылар узган сайлауларда югары активлык күрсәттеләр

2020 елның 14 сентябре, дүшәмбе

11-13 сентябрьдә Лениногорск районында берьюлы ике сайлау кампаниясе – Татарстан Республикасы Президентын һәм җирле үзидарә органнарына депутатлар сайлау узды.

Тавыш бирү процедурасы санитар-эпидемиологик куркынычсызлык чараларын үтәп оештырылды.

Шәһәрдә 39 830 кеше үз гражданлык бурычын үтәде, ә бу 84,80 %, районда 14 992 кеше, бу 94,01 % тәшкил итә.

Сайлауларда катнашкан шәһәрдә яшәүче сайлаучыларның 86,36 % һәм районнан 92,89 % сайлаучы Рөстәм Миңнеханов өчен үз тавышларын бирде.

Хөрмәтле муниципаль район халкы, сайлауларда катнашуыгыз, битараф булмаганыгыз, Татарстан Республикасының, Лениногорск районының киләчәге турында кайгыртканыгыз, актив гражданлык позициягез өчен рәхмәт белдерәбез.