"Логос" үзәге белгечләре һәм волонтерлары Бөтендөнья СПИДка каршы көрәш көне уңаеннан акция уздырды
1 декабрьдә « Бөтендөнья СПИД белән көрәш көне». Әлеге көн кысаларында " Логос” яшьләр һәм балаларга психологик-педагогик ярдәм күрсәтү үзәге белгечләре һәм волонтерлары шәһәр мәйданында “ВИЧ (СПИД) тан һәлак булырга язмасын!” дигән акция үткәрделәр.
Акциянең максаты - Вич-инфекциянең таралу темпын киметү, яшүсмерләр, яшьләр арасында ВИЧ/СПИД проблемалары буенча хәбәрдарлык дәрәҗәсен күтәрү, шәһәр халкының сәламәтлеге һәм әйләнә-тирәдәгеләрнең сәламәтлегенә карата җаваплылыгын арттыру иде.
"Логос" үзәге белгечләре һәм волонтерлары узып баручыларга "Нәрсә ул ВИЧ һәм СПИД? "Әлеге төшенчәләр нәрсәне аңлата?" . дигән сораулар белән мөрәҗәгать итте. ВИЧ-инфекция профилактикасы турында мәгълүмат турында белешмәләр таратты. Акция, эпидемиядән ничек сакланырга һәм бу фаҗигане ничек булдырмаска икәнен һәркемгә аңлатырга мөмкинлек бирде.