Татарстанда наркоманияне кисәтүгә юнәлдерелгән социаль программалар конкурсы игълан ителде

Татарстан Республикасы Хезмәт, халыкны эш белән тәэмин итү һәм социаль яклау министрлыгы наркоманияне кисәтү  һәм Татарстанның дәүләт социаль хезмәт күрсәтү учреждениеләрендәге балигъ булмаганнарны арасында сәламәт яшәү рәвешен формалаштыруга, физик культура һәм спорт түгәрәкләренә җәлеп итүгә юнәлдерелгән социаль программалар конкурсы уздыра.

Конкурста Татарстан Республикасы Хезмәт, халыкны эш белән тәэмин итү һәм социаль яклау министрлыгы карамагындагы дәүләт социаль хезмәт күрсәтү учреждениеләре (Түбән Кама муниципаль районындагы "Веста" гаилә һәм балаларга социаль ярдәм күрсәтү территориаль үзәге, халыкка социаль хезмәт күрсәтү комплекслы үзәгенең гаилә һәм балаларга социаль ярдәм бүлеге, балалар һәм яшүсмерләр өчен социаль приютлар) катнаша.

Конкурс түбәндәге номинацияләр буенча үткәрелә:

1. Наркотик бәйлелек булган затлар белән гаилә эчендә конфликт булганда гаиләләргә социаль-психологик ярдәм күрсәтү.

2. Наркотик бәйлелек булган затлар белән гаилә эчендә конфликт булганда гаиләләргә социаль-педагогик ярдәм күрсәтү.

3. Наркотикларга бәйлелек булган затлар белән гаиләләр өчен альтернатив ял итү эшчәнлеген формалаштыру һәм үстерү.

Конкурста катнашу өчен гаризалар2019 елның 1 июленнән 22 июленә кадәр кабул ителә. Нәтиҗәләр 2019 елның сентябрендә билгеле булачак.

Конкурс турында  консультацияләрне координаторлардан алырга мөмкин: ГКУ Татарстан Республикасы Хезмәт, халыкны эш белән тәэмин итү һәм социаль яклау министрлыгының Республика ресурс үзәге, 420107, Казан ш., Петербург ур., 40 йорт, тел./факс 236-48-50, e-mail: rrс.org@bk.ru "Наркоманияне кисәтүгә юнәлдерелгән социаль программалар конкурсы" тамгасы белән юлларга.