Шәһәр һәм район мәктәпләренең җиденче-унберенче сыйныфында укучы 50 иң актив бала республика Чыршы бәйрәменә Казанга барды.
Олимпиадаларда, спорт ярышларында җиңүчеләр, уку алдынгылары, талантлы, шулай ук, авыр тормышка дучар булган һәм ятим балаларны сайлап алганнар. Кунакларны республика Президенты Рөстәм Миңнеханов котлаган. Бер меңгә якын кеше катнашкан театраль тамаша караганнар. Бәйрәмнең төп сюрпризы булып, ахырдан Алексей Воробьев чыгыш ясаган. Бәйрәмнән алган хисләрне әйтеп бетергесез, фотоларга да төштек, дип сөйләделәр.