Лениногорскта Псурцевлар гаиләсенең 10 нчы баласы туган
13 майда, бөтен дөнья мәхәббәт, тугрылык һәм йорт турында сөйләгән Халыкара гаилә көне алдыннан, Лениногорскиның Никахлашу сараенда «исем кушу»тантанасы узды.
Ирле-хатынлы Николай Васильевич һәм Мария Ивановна Псурцевларның унынчы баласы туган, аңа әти-әниләре Сергей исемен биргән! Псурцевлар гаиләсе чын православие гаиләсе, анда изге рус гаиләләренең традицияләре һәм тәртибе хөкем сөрә.
Без Сергейның буй-сыны белән генә түгел, рухы белән дә үсүен телибез. Аның тормыш юлы ачык һәм якты, ә гаиләсе — аның ышанычлы таянычы булсын. Псурцевлар гаиләсендә балалар эш сөючән һәм талантлы булып үсә, өлкән улы үрнәк «Астра» ансамблендә бии, ике улы музыка мәктәбен аккордеон классы буенча тәмамлый, өченче улы фортепианода укый, дүртенчесе гитарада уйнарга өйрәнә, кызы сәнгать мәктәбенә йөри. Барлык балалар да якшәмбе мәктәбенә йөри, спорт белән мавыга.
ЗАГС хезмәткәрләре ата-аналарга Сергейның беренче документын-туу турында таныклыгын һәм Рәхмәт хатын тапшырдылар.