Лениногорскblf яңа туган балалар өчен прокат пункты ачылды
Лениногорск районының «Исток – Башлангыч» комплекслы социаль хезмәт күрсәтү үзәгендә мөһим социаль хезмәт – «Яңа туган балалар өчен беренче кирәкле әйберләрне прокатка бирү пункты»эшли башлады. Инициатива «Гаилә» илкүләм проекты кысаларында гамәлгә ашырыла һәм иң җаваплы чорда яшь гаиләләргә ярдәм итүгә юнәлдерелгән.
Проектның максаты-ата-аналарга балага кыска вакытка гына таләп ителә торган кыйммәтле сатып алуларда акчаны янга калдырырга ярдәм итү. Хәзер кирәкле әйберләрне вакытлыча файдалануга тулысынча бушлай алырга мөмкин.
Пунктта иң кирәкле әйберләр: трансформер коляска, балалар караваты, йөрү урыннары, кышкы чана-коляска, биләү өстәле,ашату өчен урындык бар.
Хезмәт аеруча ярдәмгә мохтаҗларга адреслана: 25 яшькә кадәрге көндезге студентлар (ата-аналарның икесе дә); 30 яшькә кадәрге күпбалалы яшь ата-аналар (ир белән хатынның икесе дә); бала тәрбияләүче ялгыз ана яки ялгыз әти.
Әлеге проект-Лениногорск районының яшь гаиләләре өчен беренче айларны уңайлырак һәм азрак чыгымлы итә торган реаль ярдәм. Предметларны алу шартларын һәм нечкәлекләрен турыдан – туры «Исток-Башлангыч»комплекслы үзәгендә белергә мөмкин.