Роспотребнадзорның бәкедә коену турында тәкъдимнәре

19 гыйнвар-Россиядә Качману бәйрәме билгеләп үтелә. Күп кенә дин тотучылар өчен 18 гыйнвардан 19 гыйнварга каршы төн традицион Качману коенуларына сәбәп булып тора.

Бәйрәм алдыннан Роспотребнадзор кулланылырга тиешле сулыкларда су сыйфатына лаборатор контроль үткәрә. 

Суга чуму сулыкларга һәм махсус җиһазландырылган коену урыннарына башкарыла. Шул ук вакытта күпләр бу гамәлгә каршы күрсәтмәләр һәм аның сәламәтлек өчен мөмкин булган нәтиҗәләре турында уйламый.  Салкында бәкедә коену хәтта нык һәм сәламәт организм өчен дә көчле стресс булып тора. Роспотребнадзор мондый чаралар уздыру вакытында саклык чаралары турында искә төшерә.  

Коенуны бары тик рәсми җиһазландырылган урыннарда гына уздырырга кирәк, анда куркынычсызлык кагыйдәләрен үтәүне коткару һәм медицина хезмәтләре хезмәткәрләре күзәтә.   Суга чумар алдыннан кан басымын үлчәргә һәм аның күрсәткечләренең нормада булуына инанырга кирәк.   Бәкегә керер алдыннан саф һавада булырга һәм тәнне салкын суга әзерләп җылытырга кирәк.

Суга аяклар белән төшәргә кирәк. Бәкегә баш белән чуму баш мие кан тамырлары спазмы һәм аңын югалту белән яный. Купельдән чыкканда тоткаларга тотыныгыз яки тирә-юньдәгеләрнең ярдәменнән файдаланыгыз. Коенганнан соң сөлге белән сөртенегез, җылы кием кигезегез дә җылы бүлмәгә керегез.  

Алкоголь кабул итү катгый тыела, чөнки аның тәэсирендә кан тамырлары киңәя, һәм кеше тиз арада җылысын югалта, ә нерв системасында импульсларның тоткарлануы көчәя, бу исә хәрәкәтләрнең акрынаюына китерә.  Шулай ук алкоголь йөрәккә йөкләнешне арттыра. Җылыну өчен иң яхшы чара-бал, имбир, әфлисун, лимон яки гөлҗимеш цедрасы кушылган кайнар чәй. Суга чумарга берничә сәгать кала, организмны җылыту өчен ашарга кирәк.   

  Бәкедә коену йөрәк-кан тамырлары, үзәк һәм периферик нерв системасы авырулары, сулыш юллары, ашказаны-эчәк тракты, сидек-җенес системасы авырулары, борын-йоткылыкның ялкынсыну авырулары, эндокрин авырулары булган кешеләргә ярамый.

Балаларга, йөкле хатыннарга һәм өлкән яшьтәге кешеләргә бәкедә коенырга киңәш ителми.

Чыганак: https://rospotrebnadzor.ru/