Лениногорск районы Башлыгы, Лениногорск шәһәре мэры Рәгать Хөсәеновның Халыкара хатын-кызлар көне белән котлавы
Сезне ихлас күңелдән язның тәүге һәм якты бәйрәме – Халыкара хатын-кызлар көне белән тәбрик итәм!
Бу якты дөньяга килүебез белән без барыбыз да хатын-кызга бурычлы. Газиз әни буларак, йөрәк җимешләрегезгә сөю һәм наз бүләк итәсез, тормыш авырлыкларыннан саклап, яхшылыкка, гаделлеккә өйрәтәсез.
Сез – яшәү чыганагы, гүзәл яз гөлләре кебек безнең дөньябызга матурлык, яктылык сибәсез. Гаилә учагын, күркәм гореф-гадәтләрне саклаучы бөек затларыбыз да сез.
Без бу көнне сугыш чорын кичкән батыр йөрәкле әби-апаларыбызны, районыбыздагы авыл хуҗалыгында, мәгариф, сәламәтлек саклау, мәдәният, җитештерү өлкәләрендә, башка авыр һәм җаваплы тармакларда эшләүче хатын-кызларыбызны хөрмәтлибез.
Кайда гына хезмәт куйсалар да, гүзәл затларыбызны күркәм холык, эшлеклелек кебек матур сыйфатлар бизи.
Кадерле хатын-кызлар, сезгә нык исәнлек, гаилә бәхете, тыныч тормыш. Яз бәйрәме күңелләрегездә якты кояш булып кабынсын һәм күңел күтәренкелеге бүләк итсен.
Рәгать Хөсәенов, Лениногорск районы башлыгы, шәһәр мэры