Лениногорск мэриясендә район һәм шәһәр Советларының берләштерелгән сессиясе узды
Бүген мэриянең утырышлар залында Лениногорск районы Башлыгы, шәһәр мэры Рәгать Хөсәенов рәислегендә Лениногорск районы һәм шәһәр Советларының берләштерелгән сессиясе узды.
Утырышны ачып, район Башлыгы Рәгать Хөсәенов шәһәр Советының яңа сайланган депутаты Ильин Дмитрий Григорьевичны депутатлар корпусына тәкъдим итте, аңа таныклык һәм депутат билгесен тапшырды.
«Лениногорск муниципаль районында мәгариф учреждениеләрен террорчылыкка каршы яклауның торышы турында» беренче мәсьәлә буенча полиция башлыгының җәмәгать тәртибен саклау буенча урынбасары Андрей Иваньчин чыгыш ясады.
Россия Эчке эшләр министрлыгының Лениногорск районы буенча эчке эшләр бүлеге тарафыннан көн саен уку һәм мәктәпкәчә учреждениеләргә, тирә-юньдәге территорияләргә тикшерүләр үткәрелә, чит затлар һәм транспорт чараларына юл куймау турында инструктажлар үткәрелә, уку йортлары һәм мәктәпләргә килүчеләр, мәгариф учреждениеләре биналарында үткәрү режимы тикшерелә.
Шулай ук тикшерүләр барышында җитешсезлекләр дә ачыклана, әмма шәхси сак оешмалары җитәкчеләре белән очрашулардан соң җитешсезлекләр оператив хәл ителә.
Район башлыгы Рәгать Хөсәенов мәктәпләр һәм гомумбелем бирү учреждениеләре территорияләренә керү режимын көчәйтергә, шулай ук чит транспорт керү фактларын бетерергә, террорчылыкка каршы куркынычсызлык чаралары буенча аңлату эшләрен көчәйтергә, профилактиканың барлык органнары вәкилләре белән рейдларны дәвам итәргә кушты.
Шулай ук бу мәсьәлә буенча Мәгариф идарәсе җитәкчесе урынбасары Лиана Волдавина чыгыш ясады.
Сессия көн тәртибендә башка мөһим мәсьәләләр дә каралды. Утырышның көн тәртибендәге барлык мәсьәләләр буенча тиешле карарлар кабул ителде.