Лениногорск балаларына юл йөрү кагыйдәләре турында сөйләделәр

2021 елның 19 июле, дүшәмбе

15 июль көнне "Исток-Башлангыч"халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм күрсәтү педагогы Зилә Мөдәрисова 8 нче ТОСС ишегалды лагерена йөрүче балигъ булмаганнар белән танып-белү уены формасында "Мин, атлыйм, урам буйлап!» дигән чара үткәрде.

Чара барышында балалар юл билгеләренең төрләре белән таныштылар, тыю билгеләре, мәгълүмати - күрсәтмә һәм сервис билгеләре булуын искә төшерделәр. Чара ахырында балалар үз тормышларын куркыныч астына куймаска, юл хәрәкәте кагыйдәләрен үтәргә, юлда сак булырга кирәклеге турында нәтиҗә ясадылар.