"Сезнең баланың иминлеге" темасына түгәрәк өстәл

2021 елның 11 июне, җомга

Лениногорск муниципаль районында «Исток – Башлангыч» комплекслы үзәге психологы Садыкова Зилә «Җаваплы ата-ана мәктәбе» технологиясе кысаларында «Балагызның иминлеге» дигән темага түгәрәк өстәл уздырды.

Дәрес барышында ата-аналарга «Гаилә», «Гаилә кыйммәтләре»нең нәрсә икәнлеге, баланың тормыш, үсеше, ял итүе һәм аларның уку биремнәрен үтәү өчен өйдә кирәкле шартлар тудыру, көч кулланмыйча эшләү турында аңлатма бирелде.

Чара ахырында катнашучылар балалар һәм яшүсмерләр белән рәхимсез мөгамәлә проблемасы буенча теоретик һәм практик материал белән таныштылар, шулай ук балигъ булмаганнарга карата рәхимсез мөгамәлә фактларына юл куйган өчен җаваплылык турында кисәттеләр.