Лениногорскида эш урыннары ярминкәсе узды

2020 елның 19 марты, пәнҗешәмбе

2020 елның 19 нчы март көнне Лениногорск Мәшгульлек үзәге Лениногорск политехник колледжы базасында чираттагы эш урыннары ярминкәсе үткәрде.

Ярминкәдә 7 эш бирүче катнашты. Вакансияләр төрле предприятие-оешмаларга кирәк иде: Лениногорск политехник колледжы, Лениногорск үзәк район хастаханәсе, “Торос молоко”, “Молоко плюс”, ТМНУ, Лениногорск тимер-бетон җайланмалары заводы, “Тандер” җәмгыятьләреннән эш бирүчеләр килде.

Эш эзләүчеләргә 63 вакансия тәкъдим ителде: табиб, шәфкать туташы, слесарь, эретеп ябыштыручы, электромонтер һ.б.

Вакансиялэр ярминкәсендә 47 кеше катнашты, шуның 10 сы эшкә урнашу соравы буенча әңгәмәгә бару өчен юллама алды.