Ана булу, тәрбия һәм гаиләләргә социаль ярдәм чаралары турында фикер алыштылар
Туучылар санын арттыру, аналарга ярдәм итү һәм традицион гаилә кыйммәтләрен ныгыту Керкәле авылында яшәүче хатын-кызларның «Логос» үзәге психологлары белән очрашуында фикер алышуның төп мәсьәләләре булды. Әлеге очрашуны «Демография» милли проектын тормышка ашыру һәм балачак унъеллыгы кысаларында «Исток-Башлангыч» социаль-мәдәни үзәге ДАУСО белгече Л.М. Габидулина оештырды.
Диалог формасында хатын-кызлар организмының аерылгысыз биологик функциясе буларак ана булу нигезләре турында фикер алыштылар, бала табу гына түгел, ә балаларны тәрбияләү, сәламәт һәм гармонияле шәхес формалаштыру, шулай ук агымдагы елда гаиләләргә социаль ярдәм чаралары турында да сөйләштеләр.
Очрашуда катнашучы 12 хатын-кыз үзләрен кызыксындырган сорауларга җаваплар һәм психологик юнәлештәге практик тәкъдимнәр алды.
Очрашу ахырында релаксацион тренинг үткәрелде, аның барышында психолог әниләрне өй шартларында авыр көннән соң ничек стресстан арынырга өйрәнделәр.