"Мин бәхетле тормышны сайлыйм!" исемендә чираттагы сыйныф сәгате узды
Лениногорск нефть техникумында төрле мәдәният учреждениеләре вәкилләре белән берлектә сыйныф сәгатьләре үткәрү күркәм традициягә әверелде. Узган атнада Үзәк китапханә системасы хезмәткәре Потапова Ольга Николаевна үзенчәлекле дискуссия мәйданчыгы оештырды. Катнашучылар "Тормышымның мәгънәсе нәрсәдә?” “Нәрсә ул бәхет?”, "Ничек бәхетле булырга?” сорауларына җавап биреп, балалар үз фикерләрен аңлаттылар.
Икенче этап булып төркемдәге барлык студентлар да актив катнашкан рольле уеннар оештырылды, алар иҗади сәләтләрен күрсәттеләр. Укучыларда үз-үзләрен күрсәтү зур кызыксыну уятты, чөнки һәр кеше әйләнә-тирә дөньяны гына түгел, үзен дә белергә омтыла бит. Сыйныф сәгатенең эчтәлеге балаларда зур кызыксыну уятты һәм саубуллашканда, алар чираттагы очрашу турында белештеләр.