Лениногорскилыларга янгын куркынычсызлыгы кагыйдәләре турында искәртәләр
Балаларны беркайчан да караучысыз калдырмагыз. Аларга янгын куркынычсызлыгы кагыйдәләре турында искәртегез һәм янгын чыккан очракта ничек эш итәргә кирәклеген өйрәтегез.
Ата - аналар, исегездә тотыгыз: балаларны фатирларда яки бүлмәләрдә ялгыз калдыру аеруча куркыныч. Янгын чыккан очракта алар үзләре бинадан чыга алмый.
Һәр өлкән кешенең бурычы- балаларга ут белән уйнауның куркынычлыгын аңлату.
Балалар ут белән уйнамасын өчен нәрсә эшләргә кирәк:
- сабыйларны караучысыз калдырмаска;
- өйдә, урманда, урамда янгын куркынычсызлыгы кагыйдәләрен үтәгәндә балалар өчен үрнәк булырга;
- янгын куркынычсызлыгы турында балаларга сөйләргә;
- балаларга теләсә нинди электр приборларын, газ плитәләрен һәм мичләрне кабызырга кушмаска.
Үзегезне һәм балаларын саклагыз! Янгын чыккан очракта кичекмәстән 101 номеры буенча шалтыратып, янгын сүндерүчеләрне чакырыгыз.