Лениногорскида хокук бозуларны профилактикалау буенча чара узды
Лениногорск «Кабат хокук бозуларны кисәтү, иректән мәхрүм итүгә бәйле булмаган җәза чараларына хөкем ителгән балигъ булмаган балалары булган гаиләләр белән эшләү»темасына мөһим фикер алышу өчен мәйданчык булды.
Лениногорск районының "Исток–Башлангыч " комплекслы социаль хезмәт күрсәтү үзәге хезмәткәрләре тарафыннан оештырылган әлеге темага стажировка мәйданчыгы «Биеклек»яшьләр үзәге базасында узды. Биредә Зәй, Актаныш, Алексеевск, Нурлат, Тукай, Түбән Кама районнары һәм Яр Чаллы шәһәре коллегалары очрашты. Эш актив диалог форматында узды.
Нәтиҗәдә, катнашучылар профилактика субъектларының хокук бозган балигъ булмаганнарның гаилә әгъзалары белән хезмәттәшлек формалары, борчыган мәсьәләләр һәм аларны хәл итү юллары турында фикер алыша алдылар. Моннан тыш, белгечләр закон белән конфликтта булган балигъ булмаганнарны эш белән тәэмин итү буенча практик дәресләр - чүлмәкчелек буенча мастер-класс күрсәттеләр. Соңыннан барлык катнашучылар да сертификатлар алды.