Гаилә остаханәсе: чүлмәкчелек эше финанс бәйсезлегенә адым буларак
Лениногорск муниципаль районының «Исток-Башлангыч» халыкка социаль хезмәт күрсәтү комплекслы үзәгендә авыр тормыш хәлендә калган балаларга ярдәм фонды ярдәмендә тормышка ашырыла торган «Гаилә остаханәсе - чүлмәкчелек эше» проектының икенче этабы старт алды.
Әлеге этап кысаларында катнашучылар өчен "үзмәшгульлек " чарасы буенча социаль контракт нигезендә дәүләт социаль ярдәмен рәсмиләштерү шартлары турында консультация үткәрелде. Үзәк белгечләре гаиләләргә әлеге ярдәм чарасыннан чүлмәкче һөнәре өлкәсендә үз эшләрен үстерү өчен ничек файдаланырга, нинди документлар җыярга кирәклеген һәм алучының үз өстенә нинди йөкләмәләр алуын җентекләп аңлаттылар.
Катнашучылар социаль контрактның үз эшеңне ачу, кирәкле җиһазлар һәм материаллар алу өчен дәүләттән финанс ярдәме алу мөмкинлеге булуын белделәр. Беренче этапта осталыкка өйрәнгән күп кенә гаиләләр өчен бу алынган күнекмәләрне керем чыганагына әйләндерү турында уйланырга бик яхшы этәргеч булды. Белгечләр барлык кызыксындырган сорауларга җавап бирделәр һәм үзмәшгульлекне рәсмиләштерү буенча алдагы адымнарны билгеләргә булыштылар.