Бүген-Россия Җәзаларны үтәү федераль хезмәте җинаять-башкарма инспекцияләре хезмәткәрләре көне
7 майда хезмәт хезмәткәрләре һәм ветераннары һөнәри бәйрәм — Россия Россия Җәзаларны үтәү федераль хезмәте җинаять-башкарма инспекцияләре хезмәткәрләре көнен билгеләп үтәләр, аның оешуына 107 ел тулды.
Лениногорск районы территориясендә «Татарстан Республикасы буенча ҖҮФХИнең җинаять-башкарма инспекциясе» ФКУның Лениногорск муниципальара филиалы (Чирмешән авылында урнашкан инспекцияне дә үз эченә ала) эшчәнлек алып бара.
Бүген филиалда 6 хезмәткәр эшли. Исәпкә алу җәзаларның төрле төрләре буенча алып барыла: шартлы рәвештә хөкем итү, иреген чикләү, төзәтү һәм мәҗбүри эшләр, шартлы рәвештә вакытыннан алда азат итү, транспорт чаралары белән идарә итүгә бәйле эшчәнлек белән шөгыльләнүне тыю. Инспекция хөкем ителгәннәрнең суд һәм закон тарафыннан йөкләнгән бурычларын үтәвен, шулай ук аларның җәзаларын үтәвен тикшереп тора.
Россия Федерациясендә пробация турында закон кабул ителгәннән соң инспекция авыр тормыш хәлендә калган хөкем ителгәннәргә ярдәм күрсәтә. Инспекция хөкем ителгәннәргә документларны торгызу, психологик һәм медицина ярдәме, туклану продуктлары рәвешендә матди ярдәм күрсәтә, хөкем ителгәннәрнең гаиләләрендәге балаларга мәктәпкә әзерлек белән ярдәм итә, шулай ук традицион конфессия вәкилләре тарафыннан рухи ярдәм күрсәтә. Инспекция шулай ук махсус хәрби операциядә катнашучыларның гаилә әгъзаларына актив ярдәм күрсәтә.
Җинаять-башкарма инспекциясе хезмәткәрләрен һәм ветераннарын һөнәри бәйрәмнәре белән котлыйбыз! Намуслы хезмәтегез, эшкә җаваплы каравыгыз һәм хокук тәртибен саклауга керткән өлешегез өчен рәхмәт белдерәбез.
Фото: Ә. Насыйров