Казан районара табигатьне саклау прокуратурасы тарафыннан берничә тикшерү уздырылган
Казан районара табигатьне саклау прокуратурасы су биологик ресурсларын саклау өлкәсендәге законнарның үтәлешен тикшерде.
Региональ әһәмияттәге «Идел киңлекләре» ландшафт профилендәге дәүләт табигать тыюлыгы составына керүче Идел елгасы акваториясендә тыелган тоту коралы – ятьмә кулланып, граждан тарафыннан законсыз рәвештә балык тоту гамәлгә ашырылуы ачыкланды.
Тикшерү материаллары гаепле затны җинаять эзәрлекләве турындагы мәсьәләне хәл итү өчен алдан тикшерү органына җибәрелде.
Аларны карау нәтиҗәләре буенча РФ ҖК 256 маддәсенең 1 өлешендәге «б», «г» пунктлары буенча җинаять эше кузгатылды (аеруча саклаулы табигать территорияләрендә су биологик ресурсларын законсыз чыгару (тоту)).
Казан районара табигатьне саклау прокуратурасы гражданнарның мөрәҗәгатьләрен карау тәртибе турындагы законнарның үтәлешен тикшерде.
Биектау муниципаль районы хакимиятенең вазыйфаи заты тарафыннан Әлдермәш авылында чишмәне саклау мәсьәләсе буенча махсус хәрби операциядә катнашучының мөрәҗәгате объектив, һәрьяклап каралмаган, мөрәҗәгатьтә куелган сорауларның асылы буенча җавап бирелмәгән, закон бозуларны бетерү чаралары күрелмәгән.
Вазыйфаи затны гражданның дәүләт органнарына мөрәҗәгать итүгә конституциячел хокукын бозган өчен җаваплылыкка тарту максатларында табигатьне саклау прокуроры судка мөрәҗәгать иткән.
табигатьне саклау прокуроры карары буенча гаепле вазыйфаи зат РФ КоАП 5.59 маддәсе (гражданнар мөрәҗәгатьләрен карау тәртибен бозу) буенча административ җаваплылыкка тартылды һәм 5 000 сум күләмендә штраф билгеләде.
Зако закон бозуларны бетерү максатыннан табигатьне саклау прокуроры җирле үзидарә органы җитәкчесенә күрсәтмә кертте, ул карауда тора.
Казан районара табигатьне саклау прокуратурасы гражданнар мөрәҗәгатен карау тәртибе турындагы законнарның үтәлешен тикшерде.
«Рослесинфорг» ФДБУнең Казан филиалына закон бозып карау өчен вәкаләтле хакимият органына җибәрелмәгән гражданин мөрәҗәгате кергән, шул ук вакытта филиал тарафыннан булган компетенция кысаларында мөрәҗәгатькә җавап бирелмәгән.
Закон бозуларны бетерү максатында табигатьне саклау прокуратурасы филиал директорына закон бозуларны бетерү турында күрсәтмә кертте.
Табигатьне саклау прокуроры карары буенча прокурор реагированиесе актын карау процедурасын бозуга бәйле рәвештә Казан шәһәренең Совет суд районы буенча 9 нчы суд участогы җәмәгать судьясы тарафыннан гаепле зат РФ КоАП 17.7 маддәсе буенча административ җаваплылыкка тартылды (прокурорның законлы таләпләрен үтәмәү) һәм штраф рәвешендә җәза билгеләде.
Кабул ителгән прокурор чаралары нәтиҗәләре буенча гражданинга мөрәҗәгатькә җавап бирелде.