Лениногорскида шагыйрә, композитор һәм музыкант Людмила Аланлы белән очрашу узды
Габдулла Тукай исемендәге Үзәк китапханәдә «Гаилә кыйммәтләре һәм мәдәният инфраструктурасы» федераль проектының«Гаилә» илкүләм проекты кысаларында Лениногорск районы Федотовка авылында туган танылган шагыйрә һәм музыкант Людмила Аланла катнашында «Елмаюда бар яктылык» музыкаль-шигъри кичәсе узды.
Людмила Николаевна - Р. Төхфәтуллин исемендәге әдәби премия лауреаты, «Болгар радиосы» милли музыкаль премиясе иясе, Татарстан Язучылар берлеге әгъзасы, шулай ук талантлы җырчы, композитор һәм автор-башкаручы. Хәзерге вакытта гаиләсе белән Әлмәттә яши.
Чараны Лениногорск үзәк китапханә-инновацияләр үзәге директорының китапханә-инновацияләр эше буенча урынбасары, ТР атказанган мәдәният хезмәткәре Елена Владимировна Афанасьева ачты. Людмила Аланланың иҗаты күңелгә тирән тәэсир итә һәм ихлас соклану уята, дип ассызыклады ул. Людмила Николаевна-талантлы лирик шагыйрә, өч шигъри җыентык, шулай автор- башкарулары. Аның милли мәдәният, музыка һәм шигърият үсешенә керткән өлешен бәяләп бетергесез.
Очрашу барышында шагыйрә үзенең иҗади планнары турында сөйләде, шулай ук хезмәттәшләре, остазлары һәм якташлары — Ш.Бикчурин исемендәге «Чишмә» иҗат берләшмәсе вәкилләре, шулай ук аның иҗатын бәяләүчеләр чыгыш ясады. Кунаклар арасында 11 нче гимназиянең 8 нче сыйныф укучылары, шулай ук әдәбият һәм сәнгатьне яратучылар бар иде.
Кичә кысаларында «Айсылу» театрында катнашучылар, шагыйрәләр Гүзәл Талипова һәм Фәридә Әхмәтшина Людмила Аланлы шигырьләрен сәнгатьле итеп укыдылар. Шагыйрә Әлфия Сөләйманова Людмила Николаевнага багышланган шигырен тәкъдим итте. Людмила Аланлы тирән эчтәлекле җырлары, яңа шигырьләре белән тыңлаучыларны сөендерде, шулай ук күпсанлы сорауларга рәхәтләнеп җавап бирде.
Очрашу җылы һәм дустанә атмосферада узды, һәркемдә талантлы якташыбыз һәм аның иҗаты өчен горурлык хисе калдырды.