Лениногорск районында питбайклар буенча рейдлар узачак
Бу атнада Лениногорск Дәүләт автоинспекциясе питбайклар белән идарә итүче затларга контрольне көчәйтәчәк. Профилактик чаралар юл йөрү кагыйдәләрен бозуларны булдырмауга һәм юл-транспорт һәлакәтләрен булдырмауга юнәлдерелгән.
Язгы сезон башлану белән шәһәр һәм район юлларында питбайклар күренү очраклары ешайды. Шуңа бәйле рәвештә юл-патруль хезмәте инспекторлары балигъ булмаганнарны руль артында ачыклауга игътибар биреп, массакүләм тикшерүләр үткәрәчәк.
Законнарның төп кагыйдәләрен һәм таләпләрен искә төшерәбез:
1. Питбайк-ул спорт инвентаре. Мондый модельләрнең күбесе гомуми файдаланудагы юллар өчен каралмаган. Аларда машина юлына чыгу тыела.
2. Машина йөртү таныклыгы. Питбайклар белән идарә итү өчен тиешле А1 категорияле хокукы булу.
3. Ата-аналарның җаваплылыгы. Идарә итүне хокуксыз затка тапшырган өчен 30 000 сум күләмендә штраф каралган. Шулай ук ата-аналар тәрбия буенча бурычларын үтәмәгән өчен РФ КоАП 5.35 маддәсе буенча җәлеп ителергә мөмкин.
Йогынты чаралары
Рейдлар барышында хокук бозучылар административ җаваплылыкка тартылачак, ә техника алыначак һәм махсус стоянкага урнаштырылачак.
Лениногорск Дәүләт автоинспекциясе халыкны куркынычсызлык кагыйдәләрен үтәргә чакыра.