Лениногорскида Кырым белән кушылу хөрмәтенә «Без бергә»флешмобы узды
Кырымның Россиягә кушылу көнен бәйрәм итү уңаеннан Лениногорск районының «Исток - Башлангыч" халыкка социаль хезмәт күрсәтү комплекслы үзәгенең социаль эш буенча белгече Вахитова Алсу социаль хезмәт алучылар катнашында "Без бергә" дигән флешмоб уздырды .
Бәйрәм символы итеп Кырым күперен сайладылар — чын инженер могҗизасы, ул ярымутрауны материк Россия белән бәйләде.
Балалар бер-берсенә каршы ике рәт булып бастылар. Команда буенча алар кулларын өскә күтәрделәр һәм аларны тоташтырдылар, баш өстендә «түбә»ясадылар. Озын һәм матур коридор килеп чыкты.
Бу «тере күпер» башында Россия флагы тоткан балалар, ә азагында — безнең мәдәниятләр бердәмлеге һәм уртак тарихыбыз символы булган бодай башаклары тоткан балалар басты.
Килеп чыккан коридор буйлап тантаналы рәвештә Кырым флагын күтәрделәр. "Күпердә " басып торган һәркем үзен ниндидер зур һәм мөһим нәрсәнең бер өлеше итеп хис итте.
Бәйрәм һава шарларын һавага очыру белән тәмамланды. Төрле төстәге шарлар, тынычлык, дуслык һәм якты киләчәккә өмет символы буларак, югарыга очып китте.