Лениногорскида "Кояшлы кешеләр" акциясе узды
Лениногорск районы «Исток-Башлангыч» комплекслы үзәгенең гаиләгә һәм балаларга социаль ярдәм бүлекчәсе социаль педагогы Оксана Лямова патронажның 2нче участогында «Кояшлы кешеләр»акциясе үткәргән.
Акциянең максаты-балигъ булмаганнарның даун синдромы булган кешеләр турында хәбәрдарлыгын арттыру, эмпатия, кызгану һәм мохтаҗларга ярдәм итәргә әзерлеген үстерү.
Бөтендөнья Даун синдромы белән авыручылар көне алдыннан балалар педагог белән бергә якты кояш сурәтләнгән үзенчәлекле плакат ясадылар. Дәрес барышында укытучы балалар белән плакатны тагын да яктырак һәм игелеклерәк булсын өчен ничек тулыландырырга икәнлеге турында фикер алышты. Катнашучылар кояш нурларына «яхшылык», «елмаю», «дуслык», «аңлау», «шатлык»дигән сүзләр язарга булдылар.
Даун синдромы булган кешеләрне «кояшлы» дип юкка гына атамыйлар: алар үзләренең игелекләре белән юмарт бүлешәләр, тирә-юньдәгеләргә чын күңелдән шатлык йоктыралар һәм безне дөньяны яктырак күрергә өйрәтәләр.
Иҗат эшен тәмамлап, педагог балаларга һәркемгә сизгер һәм игътибарлы булырга кирәклеген искәртте. Аңлау һәм ярдәм барлык кешеләргә, үзенчәлекләренә карамастан, үзләрен җәмгыятьнең бер өлеше итеп тоярга һәм үзләренең иң яхшы сыйфатларын ачарга ярдәм итә.