Лениногорскида наркотикларга каршы комиссия утырышы булды
Лениногорскида наркотикларга каршы комиссия утырышы булды.
2025 елда район территориясендә наркотиклар, психотроп матдәләр һәм аларның прекурсорлары әйләнешен контрольдә тоту өлкәсендәге эш йомгаклары турындагы төп доклад белән Россия Эчке эшләр министрлыгының Лениногорск районы буенча бүлеге башлыгы Андрей Иваньчин чыгыш ясады.
Райондагы наркологик вәзгыять һәм «Лениногорск үзәк район хастаханәсе» ДАССОның профильле хезмәте эшчәнлеге турында узган ел нәтиҗәләре буенча ЦРБ табиб-наркологы Владимир Баганов сөйләде. Нотыкчы авырулар динамикасына һәм медицина профилактикасы чараларына игътибарны юнәлтте.
«Яшьләр эшләре, спорт һәм туризм идарәсе» МКУ башлыгы Марс Хәсәнов сәламәт яшәү рәвешен пропагандалау буенча күрелә торган чаралар турында сөйләде. Ул спорт белән шөгыльләнүгә яшьләрне һәм балигъ булмаганнарны, шул исәптән профилактик исәпкә алуның төрле төрләрендә торучыларны җәлеп итү эше турында сөйләде.
Район башкарма комитеты җитәкчесенең социаль мәсьәләләр буенча урынбасары, наркотикларга каршы комиссия рәисе урынбасары Гөлнара Вәгыйзова яшүсмерләр арасында наркоманияне, алкоголизмны һәм тәмәке тартуны профилактикалау буенча Балигъ булмаганнар эшләре һәм аларның хокукларын яклау комиссиясенең (КДН һәм ЗП) эшен оештыру мәсьәләсен яктыртты.
Утырышка йомгак ясап, район башлыгы урынбасары Сергей Тимаков яшьләр белән профилактик эшне көчәйтергә кирәклеген ассызыклады. Риск төркемендә булган балигъ булмаганнар һәм аларның гаиләләре белән адреслы чаралар оештыруга аерым игътибар бирү йөкләнде.
Комиссия әгъзалары наркоманияне таратуга каршы торуга һәм район халкы арасында сәламәт яшәү рәвешен популярлаштыруга юнәлдерелгән өстәмә чаралар комплексын билгеләделәр.