Лениногорскида 8 Март алдыннан никахларын теркәделәр
2026 елның 6 мартында Лениногорск шәһәренең Никахлашу сараенда Халыкара 8 март көне алдыннан Талипов Фирдәүс Әзгәр улы белән Маковская Ольга Викторовнаның никахлары теркәлде!
Ольга Викторовна - «Батырлык ордены» белән бүләкләнгән, 2023 елда Ватаныбызны саклаганда һәлак булган Маковский Русланның әнисе. Руслан мәңгегә ана күңелендә бердәнбер, кадерле улы булып калачак. Ольга Викторовна үзендә яшәргә көч тапты һәм яраткан иренең кулы һәм йөрәге тәкъдименә ризалык белән җавап бирде.
Без Ольга Викторовнаны һәм аның белән бергә яклаучыларыбызның барлык әниләрен, хатыннарын, кызларын, апаларын язның беренче бәйрәме белән чын күңелдән котлыйбыз! Ватанны чын саклаучылар тәрбияләгәнегез өчен сезгә түбәнчелек белән баш иябез. Бу язгы көндә сезгә бетмәс-төкәнмәс ихтыяр көче, корыч сәламәтлек һәм батырлык телибез. Өйләрегездә һәрвакыт җылы һәм уңайлы булсын, ә якыннарыгызның мәхәббәте күңелләрегезне җылытсын!