Татарстанлылар бәйрәм ташламалары белән газета-журналларга языла ала
Россия почтасы нәширләр белән берлектә популяр басмаларга язылуга ташлама бирә. Акция Ватанны саклаучылар көненә һәм Халыкара хатын-кызлар көненә багышланган һәм 6 мартка кадәр дәвам итәчәк.
Язуны podpiska.pochta.ru сайтында, шулай ук теләсә нинди почта бүлегендә яки почтальонда рәсмиләштерергә мөмкин. Басмаларның аерым чыгарылышларын да, берничә айга алдан язылуны да сайларга мөмкин. Почтальон газеталарны яки журналларны почта тартмасына китерә, ә "таләпкә кадәр" рәсмиләштергәндә почта бүлегендә басмаларны мөстәкыйль алырга мөмкин.
«Татарстанлылар шулай ук “Игелек агачы” хәйрия акциясендә катнаша һәм балалар йортларына, китапханәләргә, ветераннар йортларына яисә башка социаль учреждениеләргә язылу бүләк итә алалар», - дип искәртте Россия почтасы төбәк идарәсе директоры Илнур Мәхмүтов. Хәйрия язылуны рәсмиләштерү өчен QR-кодтан файдалану яки сылтама буенча күчү дә җитә.