Лениногорскида "Яңа ел уенчыгы"иҗат дәресе үткәрелде
Лениногорск муниципаль районының «Исток‑Башлангыч» халыкка социаль хезмәт күрсәтү комплекслы үзәгендә, менталь үзенчәлекләре һәм аутизмы булган 14 яшьтән өлкәнрәк яшүсмерләрдә адаптация күнекмәләрен һәм социализацияне үстерүгә юнәлдерелгән «Lөньяга адым» программасы кысаларында, чираттагы «Яңа ел уенчыгы»иҗат дәресе узды.
Чараның максаты-пластилин белән эшләү аша катнашучыларның вак моторикасын, иҗади фикерләвен һәм эмоциональ өлкәсен үстерү.
Җитәкчелек астында һәр яшүсмер авторлык чыршы бизәге иҗат иткән. Йомшак материал белән эшләү катнашучыларга үз идеяләрен уңайлы итеп белдерергә һәм иҗат процессының шатлыгын тоярга мөмкинлек бирде. Һәр балага индивидуаль якын килү аны дәрескә уңай җәлеп итүгә ярдәм итте.
Очрашу катнашучыларга шатлык һәм Яңа ел алды кәефе бүләк итте. Ясалган уенчыкларны балалар йортны бизәү өчен яки якыннарына бүләк итеп куллана алачак.