Татарстанлылар "Җиңү чыршысын яса" халыкара конкурсында якташларының Яңа ел открыткалары эскизлары өчен тавыш бирә алалар
"Җиңү чыршысын"яса" Халыкара конкурсында Татарстаннан катнашучыларның рәсемнәре Җиңү музее сайтында виртуаль Яңа ел күргәзмәсенә кертелде. Иң күп тавыш җыйган җиңүченең эше «Марка» АҖ — Россия Почтасының бүлендек компаниясе җитештерәчәк өстәмә чынбарлык технологиясе булган почта карточкасы өчен нигез булачак.
2025 елда конкурс Бөек Ватан сугышында Җиңүнең 80 еллыгына багышлана. Авторларга 1945 елгы чыршы сурәтләнгән открытка ясарга тәкъдим ителә.
Быел конкурста рекордлы санда рәсемнәр катнашты — 57 000 артык, аларны 23 ноябрьгә кадәр җибәрергә кирәк иде. Аларның авторлары Россиянең барлык төбәкләрендә, шулай ук Молдова, Таҗикстан, Үзбәкстан, Казахстан, Кыргызстан, Малайзия, Финляндия, Норвегия, Сербия, Израиль, Иордания, Кипр һәм Швейцариядә яшәүчеләр.
Иң актив катнашучылар 6 яшьтән 13 яшькә кадәрге балалар булды, ә иң өлкән конкурсанткага 88 яшь . Теләсә нинди ошаган открытка өчен 10 декабрьгә кадәр Җиңү музее сайтында тавыш бирергә мөмкин.