Лениногорскида "Исток-Башлангыч" халыкка социаль хезмәт күрсәтү үзәгендә Әниләр көне уңаеннан чара узды
Халыкара Әниләр көне алдыннан Лениногорск районының «Исток - Башлангыч» комплекслы социаль хезмәт күрсәтү үзәге белгечләре социаль хезмәт алучылар өчен бәйрәм кәефе тудыруга, әниләргә карата рәхмәт һәм мәхәббәт хисләрен үстерүгә юнәлдерелгән чаралар оештырдылар һәм үткәрделәр.
Гаиләгә һәм балаларга социаль ярдәм бүлекчәсе белгечләре «Һәрвакыт әни булсын!"әниләр һәм аларның балигъ булмаган балалары катнашында сара уздырды. Аның барышында Лениногорск музыка-сәнгать педагогика көллияте студентлары әниләргә багышланган күңелгә үтеп керерлек җырлар башкардылар.
«Цветы & Декор» чәчәкләр кибете җитәкчесе Солтанова Адилә флористика буенча мастер-класс үткәрде, анда катнашучылар матур чәчәк бәйләмнәре һәм композицияләр ясадылар. Гизидтинова Елена йөзендәге «Ассеnt» фотостудиясе һәр әнигә бушлай фотосессиягә сертификат тапшырды, әлеге көн турында якты истәлекләрне саклап калу мөмкинлеген бүләк итте. Катнашучылар бик теләп төрле конкурсларда һәм уеннарда катнаштылар.
Социаль хезмәт күрсәтү бүлегенең социаль хезмәткәрләре волонтерлар белән берлектә балалары алардан еракта яшәүче һәм әниләрен бу якты бәйрәмдә шәхсән котлый алмаган хатын-кызларны котладылар. Балалар җылы сүзләр, изге теләкләр тыңладылар, кунаклардан бүләкләр алдылар.
Барлык чаралар да ихлас елмаюлар, җылы сүзләр һәм бәйрәм рухы белән тулы иде, аларда иҗади сәләтләр ачылды һәм гаилә кыйммәтләре ныгыды.
Бигрәк тә Солтанова Адиләгә һәм Гыйзидтинова Еленага юмарт иганәчелек ярдәме өчен рәхмәт белдерәбез, алар ярдәмендә безнең бәйрәм югары дәрәҗәдә узды һәм барлык катнашучыларда да бик күп уңай тәэсирләр калдырды.