Лениногорскида түгәрәк өстәл узачак

2025 елның 27 ноябре, пәнҗешәмбе

2025 елның 28 ноябрендә 14:00 сәгатьтә «Дари Добро» оешмасы актлар залында (Садриев ур., 24 адресы буенча) «Составында инвалидлары булган гаиләләрнең проблемалы мәсьәләләре буенча фикер алышу буенча ведомствоара түгәрәк өстәл»утырышы була.

Безнең төп максат- көндәлек тормышыгызда очраша торган проблемалар турында фикер алышу, конкрет чишелешләр тәкъдим итү.

Түгәрәк өстәл эшендә җирле үзидарә органнары, халыкны социаль яклау, сәламәтлек саклау, мәгариф, опека һәм попечительлек секторы, Россия социаль фонды һәм башка ведомстволар җитәкчеләре һәм белгечләре катнашачак.