В Лениногорске прошёл турнир по теннису на Кубок фонда "Федерации тенниса"
Лениногорскида, «Татнефть» ГАҖ һәм «Лениногорск шәһәре Теннис федерациясе» фонды ярдәме белән, «Теннис Холл» спорт корылмасы кортларында 9-10 яшьлек кызлар һәм егетләр арасында теннис буенча «Лениногорск шәһәре Теннис федерациясе" фонды Кубогына ял көннәре турниры узды.
Турнирда Россиянең төрле шәһәрләреннән: Казан, Яшел Үзән, Әлмәт, Можга, Алабуга, Лаеш, Самара, Тольятти, Лениногорск, Яңа Куйбышев, Ибраһим, Яңа Шигали авылларыннан спортчылар катнашты.
Ярышлар теннис кагыйдәләре һәм ФТР РТТ регламенты буенча уздырылды.
Призлы урыннар өчен көрәш нәтиҗәсендә түбәндәге спортчылар җиңү яулады.
Егетләр арасында:
1 урын – Имран Кәбиров, Казан шәһәре
2 урын – Җәмил Биктимеров, Казан шәһәре
Кызлар арасында:
1 урын - Сәидә Шәяхмәтова, Зеленодольск шәһәре
2 урын - Анэлия Сунцова, Казан шәһәре
Турнирда Лениногорскидан Азамат Сафин, Сафия Камалиева, Роза Шаһиева (тренерлары Филипповский Антон Алексеевич) чыгыш ясады.
Турнирның җиңүчеләре һәм призерлары кубоклар, дипломнар һәм кыйммәтле призлар белән бүләкләнделәр. Балаларны җиңүләре белән котлыйбыз һәм яңа спорт уңышлары телибез!