Лениногорскида балалар катнашында "Юеш кәгазьдә рәсем ясау"темасына дәрес үткәрелде
Лениногорск районы «Исток-Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсендә «Талантлар салаваты»программасын гамәлгә ашыру дәвам итә. Социаль педагог Оксана Лямова «Юеш кәгазьдә рәсем ясау»темасына иҗат дәресе үткәрде.
Дәрес традицион булмаган сәнгать техникасын үзләштерүгә, вак моториканы һәм сенсор кабул итүне үстерүгә юнәлдерелгән.
Иҗат эшен башлар алдыннан педагог куркынычсызлык техникасы буенча тәфсилле инструктаж үткәрде: балалар буяулар һәм су белән эш итү, эш урыннарын чиста тоту кагыйдәләрен кабатладылар.
Дәрес барышында катнашучылар юеш кәгазьдә рәсем ясауның уникаль техникасы белән таныштылар, ул сәнгати экспериментлар ясау өчен киң мөмкинлекләр ача. Бу техника төсләрнең йомшак күчешенә ирешергә, буяуның дымлы өслектән таралуы исәбенә матур бизәкләр алырга мөмкинлек бирә.
Иҗат эшенең нәтиҗәсе кабатланмас композицияләр булды. Катнашучылар бәяләмәләре буенча, юеш кәгазьдә рәсем ясау процессы мавыктыргыч һәм илһамландыргыч булып чыкты. Педагог һәр баланың югары дәрәҗәдә катнашуын һәм креатив якын килүен билгеләп үтте.