Россия почтасы быел Татарстанда 15 авыл бүлекчәсен модернизацияли
2025 ел ахырына кадәр Татарстан Республикасының тагын 15 авыл җирлегендә почта бүлекчәләре модернизацияләнәчәк.
Алар Актаныш, Баулы, Балтач, Югары Ослан, Чүпрәле, Зеленодольск, Лаеш, Нурлат, Балык Бистәсе, Тукай һәм Чирмешән районнарында урнашкан. 2022 елда Россия почтасы Россия Президенты Владимир Путин кушуы буенча һәм «Бердәм Россия»партиясе ярдәме белән авыл бүлекчәләрен модернизацияли башлады
Почта бүлекчәләрендә эчке бүлмәләр һәм фасадлар, җылыту системалары яңартылачак, янгын сигнализациясе һәм видеокүзәтү системалары, шулай ук климат контроле һәм кондиционерлау өчен җиһазлар урнаштырылачак. Барлык модернизацияләнгән бүлекләрдә яңа җиһазлар һәм заманча техника булачак.
Модернизация вакытында gочта киртәсез мохитне үстерүгә аерым игътибар бирә. Моның өчен бүлекләрнең керү төркемнәрен тоткалы пандуслар һәм персоналны чакыру төймәсе белән җиһазландыралар, ишек уемнарын киңәйтәләр.
"Яңартылган бүлекләр клиентларга почта һәм финанс хезмәтләре генә күрсәтмәячәк. Модернизациядән соң авыл халкы анда дәүләт хезмәтләре порталында хисап язмасын раслый яки торгыза һәм сәламәтлек күрсәткечләрен мөстәкыйль тикшерә алачак: кан басымын, канда кислород дәрәҗәсен һәм тән температурасын үлчи алачак», — дип билгеләп үтте Россия gочтасының төбәк идарәсе директоры Илнур Мәхмүтов.
Модернизация программасы буенча Татарстанда 73 авыл почта бүлекчәсе ремонтланган инде.